I Love Condensada

Namitan gid ko sang condensada. Ubra ko sang gamay, gina buslutan ko ang babaw sang lata (duha ka buslot sa opposite sides), kag gina diretso inom. Sugar high gid dason. Hyper-hyper. Ugtas si Mama.

Anyway, ang nabudlayan lang ko sa condensada naton, indi siya “kid friendly”. Ang isa ka lata sang Milkmaid, Liberty ukon Alaska sobra kadamo (for “lanlan” “pasay” purposes). Pwede ka pa mapilas kung mag abri sang lata. Tapos, problemahon mo pa kung diin nga sulodlan isaylo ang nabilin (kay tungod sum-od na).

So, sang nakita ko ini sa grocery diri sa Japan, lipay-lipay gid ko. Solve tanan ko nga “condensada problems” sang bata pa ko.

Panawagan sa mga condensed milk manufacturers sa Pilipinas: Damo siguro malipay nga bata kung may amo ni nga condensada nga mabakal sa tiange.